Jobs In Myanmar
Load...

အလုပ်ခန့်မယ့်သူတွေက သင့်ရဲ့အကြောင်းကို အင်တာနက်မှာ ဘယ်လိုရှာသလဲ

by Admin


ချိတ်ဆွဲရန်စာတန်း: HR managers boss job search interview work in Myanmar social media LinkedIn



ကျွန်တော်တို့တွေဟာ အဖွဲ့အစည်းတစ်ခုမှာ အလုပ်လျှောက်ထားတော့မယ်ဆိုရင် ကျွန်တော်တို့ရဲ့ အချက်အလက်စီဗွီဖောင်ကိုတော့ အနည်းဆုံး အဖွဲ့အစည်းထံပေးပို့လျှောက်ထားရမှာဖြစ်ပါတယ်။ အရင်ခေတ်တုန်းကဆိုရင်တော့ စာတိုက်ကတဆင့် ပေးပို့ပြီး စာရွက်လျှောက်လွှာပို့တာမျိုးပြုလုပ်လေ့ရှိမှာဖြစ်ပြီးတော့၊ အခုနောက်ပိုင်းမှာတော့ အင်တာနက်အီးမေးလ်မှတဆင့် လျှောက်ထားတာမျိုးတွေရှိလာသလို၊ အလုပ်အကိုင်ရှာဖွေရေးဝတ်ဘ်ဆိုက်များမှတဆင့်လည်း အလုပ်အကိုင်များလျှောက်ထားလာကြတာကို တွေ့ရမှာပါ။ အင်တာနက်ရဲ့ အသုံးဝင်မှုအလျှင်အမြန်တိုးတက်လာတာနဲ့အညီ ကျွန်တော်တို့ရဲ့ အလုပ်အကိုင် လျှောက်ထားတဲ့ပုံစံတွေဟာလည်း တဆင့်ဆင့်ပြောင်းလဲလာတာပါ။ အင်တာနက်ခေတ်ဖြစ်လာတာနဲ့အညီ ကျွန်တော်တို့ရဲ့ အချက်အလက်တော်တော်များများဟာလည်း အင်တာနက်ပေါ်မှာ ရှိနေပြီးဖြစ်ပါတယ်။ ဖေ့ဘုတ်၊ အီးမေးလ်၊ LinkedIn၊ အစရှိတာတွေကစလို့ များစွာသော လူမှုရေးကွန်ရက်တွေဟာ ကျွန်တော်တို့ရဲ့ အချက်အလက်တွေကို စုဆောင်းထားပြီးသားဖြစ်ပါတယ်။ (သင်ဟာတကယ်လို့ အခုမှ ဘွဲ့ရရှိထားပြီး အလုပ်ရှာဖွေနေတယ်ဆိုရင် အဆိုပါဆောင်းပါးအတွင်းမှာ သင့်အနေနဲ့ အလုပ်ရှာဖွေခြင်းမှာ ဆောင်ရန်၊ ရှောင်ရန် အချို့ကို သွားရောက်ဖတ်ရှုနိုင်ပါတယ်။ )

ဒါ့ကြောင့် ကျွန်တော်တို့အနေနဲ့ အလုပ်တစ်ခုကို လျှောက်ထားလိုက်ပြီဆိုရင် အလုပ်ရှင်အနေနဲ့ ကျွန်တော်တို့အကြောင်းကို စီဗွီဖောင်ထဲမှာ ရေးထားတာထက်ပိုသိလိုလျှင် သိနိုင်မယ့်နည်းလမ်းတွေကလည်း လွယ်ကူလာပြီပဲဖြစ်ပါတယ်။ (ကျွန်တော်တို့ရဲ့ စီဗွီဖောင်မှာ အလုပ်ရှင်တွေ စိတ်ဝင်စားစေမယ့် အချက်အလက်တချို့ကို ဘယ်လိုထည့်သွင်းမလဲဆိုတာ အဆိုပါဆောင်းပါးမှာ သွားရောက်ဖတ်ရှုနိုင်ပါတယ်)

 အင်တာနက်ပေါ်မှာ ရှာလိုက်တာနဲ့ ကျွန်တော်တို့ရဲ့ အချက်အလက်များစွာဟာလည်း ပေါ်လာမှာ မငြင်းသာပါဘူး။ ဒါဆိုကျွန်တော်တို့အနေနဲ့ အင်တာနက်ကို အသုံးပြုရင်းနဲ့ လူမှုကွန်ရက်တွေပေါ်မှာ ဘယ်လိုအကျိုးရှိတဲ့အချက်အလက်တွေကို ဖြည့်သွင်းမလဲ၊ အလုပ်ရှင်တွေအနေနဲ့ ဘယ်လိုကွန်ရက်တွေကနေ ဘယ်လိုအချက်အလက်မျိုးတွေကို အဓိကထားကြည့်တတ်ကြသလဲဆိုတာ ဆက်ဖတ်ကြည့်လိုက်ရအောင်။      

ကျွန်တော့်အနေနဲ့ အလုပ်အကိုင်ခန့်ထားမှုပြုလုပ်တဲ့ မန်နေဂျာများစွာနဲ့ စကားပြောဖူးပါတယ်။ သူတို့တော်တော်များများပြောဆိုလေ့ရှိတာကတော့ သူတို့အနေနဲ့ ဖြစ်နိုင်ရင် ဖြစ်နိုင်သလောက် အလုပ်လျှောက်ထားသူတစ်ယောက်ရဲ့ အချက်အလက်ကို အသေးစိတ်စုံစမ်းလေ့ရှိတာပါပဲ။ အဲ့လိုစုံစမ်းရာမှာလည်း အင်တာနက်ပေါ်ကနေ ရှာဖွေမှုပြုလုပ်ရင်း အကဲခတ်တာဟာလည်း နောက်ပိုင်းမှာ အသုံးများလာတဲ့ အရာတစ်ခုဖြစ်လာပါတယ်။

ပထမဆုံး သူတို့အနေနဲ့ Google ကို အသုံးပြုပြီး ရှာဖွေမှုပြုလုပ်ကာ အကဲခတ်လေ့ရှိပါတယ်တဲ့။ အားလုံးသိပြီးတဲ့အတိုင်းပဲ ရှာဖွေမှုအပိုင်းမှာ ဆရာတစ်ဆူဖြစ်တဲ့ Google ဟာ ရှာဖွေလိုက်တဲ့ Keyword တိုင်းအတွက် အကောင်းဆုံးရလဒ်တွေပြသပေးနိုင်တာနဲ့အညီ အလုပ်ခန့်ထားတဲ့ မန်နေဂျာတွေဟာလည်း Google ကို အသုံးပြုတာကတော့ အံ့သြစရာမရှိလှပါဘူး။ ဥပမာအားဖြင့်- သင်ဟာ ကွန်ပျူတာသမားတစ်ယောက်ဆိုပါစို့။ သင့်အကြောင်းကို သိရှိလိုတဲ့ မန်နေဂျာတစ်ယောက်ဟာ သင့်နာမည်ကို Google မှာ ရိုက်ထည့်လိုက်တာနဲ့ သင်နဲ့ပါတ်သတ်တဲ့ အကြောင်းအရာတွေကို သူ့အနေနဲ့ သိရှိရမှာပါ။ သင့်အနေနဲ့ ဘယ်လို community တွေမှာ ဘယ်လို contribute လုပ်ထားဖူးလဲ၊ ဘယ်လို ပရောဂျက်တွေကို လုပ်ထားဖူးလဲ အစရှိတဲ့ public အချက်အလက်တွေအားလုံးကို သူ့အနေနဲ့ တွေ့ရှိရမှာဖြစ်ပါတယ်။ ဥပမာအားဖြင့် သင်ဟာ stackoverflow လို ဝက်ဘ်ဆိုက်မျိုးမှာ contribute အကောင်းဆုံးပြုလုပ်ထားတယ်ဆိုပါစို့။ အဲ့ဒီအချက်ကို တွေ့ရှိသွားမယ့် မန်နေဂျာဟာ သင့်ကို အကောင်းမြင်စိတ်ဖြစ်ပေါ်သွားမှာကတော့ ငြင်းစရာမရှိပါဘူး။ ဒါ့အပြင် stackoverflow လိုပဲ များစွာသော community website များစွာရှိတာနဲ့အညီ သင့်ရဲ့ အကြောင်းဟာလည်း ပေါ်လွင်စေနိုင်မှာပဲဖြစ်ပါတယ်။ ဒါဆို သင့်အနေနဲ့ သင့်ရဲ့နာမည်ကို Google မှာ ရိုက်ထည့်ပြီး ဘာတွေပေါ်လာမလည်း၊ ဘာတွေများသင့်အနေနဲ့ အလုပ်ခန့်ထားမယ့်သူ သဘောကျသွားစေမယ့် အချက်မျိုးတွေကို  Google က ပြပေးနိုင်နေပြီလည်းဆိုတာကို ဆန်းစစ်ကြည့်ပါ။ မရှိသေးရင် အနည်းဆုံးတော့ ရှိလာအောင် ကြိုးစားပေးပါ။ အဲ့ဒီအချက်ဟာလည်း အလုပ်တစ်ခုရရှိရန်အတွက် အခွင့်အလမ်းများစေတဲ့အရာဖြစ်လို့ပါပဲ။

နောက်ထပ်တစ်ခုဖြစ်တဲ့ ရှာဖွေခြင်းပြုလုပ်လေ့ရှိတာကတော့ အလုပ်အကိုင် ပရော်ဖက်ရှင်နယ်ဆိုင်ရာ ကွန်ရက်တစ်ခုဖြစ်တဲ့ LinkedIn မှာပါပဲ။ သင့်ရဲ့ ကိုယ်ရေးအချက်အလက်တွေ၊ သင့်ရဲ့ အသေးစိတ် လုပ်ဆောင်မှုဆိုင်ရာတွေ၊ သင့်ရဲ့အတွေ့အကြုံဆိုင်ရာတွေ၊ သင့်ကို ဘယ်သူတွေက recommend ပေးထားတယ်၊ ဘယ်သူတွေက ထောက်ခံထားတယ်၊ ဘယ်အပိုင်းတွေမှာ ထူးချွန်တယ်၊ ဘယ်အပိုင်းတွေမှာ တော်ကြောင်းကို ဘယ်သူတွေက ထောက်ခံထားတယ်၊ အစရှိတာများစွာကို LinkedIn မှာ သိရှိနိုင်တာနဲ့အညီ အလုပ်ရှင်တွေဟာလည်း အဲ့ဒီ လူမှုကွန်ရက်မှတဆင့် သင့်အကြောင်းကို ရှာဖွေခြင်းများစွာပြုလုပ်လေ့ရှိပါတယ်။ သင့်အနေနဲ့ သူတို့ရဲ့ အဖွဲ့အစည်းနဲ့ ကိုက်ညီခြင်းရှိမရှိ၊ တစ်နည်းအားဖြင့် သူတို့ လိုအပ်လစ်လပ်နေတဲ့ နေရာရာထူးနဲ့ သင့်ရဲ့ တတ်မြောက်ထားတာတွေဟာ ကိုက်ညီခြင်းရှိမရှိကို အဓိက အကဲခတ်လေ့ရှိတဲ့ နေရာတစ်ခုပဲဖြစ်ပါတယ်။ (သင့်အနေနဲ့ LinkedIn ပေါ်မှာ အကောင်းဆုံး profile တစ်ခု ဘယ်လိုတည်ဆောက်မလဲဆိုတဲ့ အချက်တချို့ကိုလည်း ဒီဆောင်းပါးအတွင်းမှာ သွားရောက်ဖတ်ရှုနိုင်ပါတယ်။)

ဒါ့အပြင် နောက်ထပ်ရှာဖွေလေ့ရှိတဲ့နေရာကတော့ လူသုံးများတဲ့ လူမှုကွန်ရက်တွေပဲဖြစ်ပါတယ်။ ဘာတွေဖြစ်နိုင်မလဲ။ အများကြီးပါ။ Facebook, Instagram, Pinterest အစရှိတာတွေဟာ သင့်ရဲ့အကြောင်းကို ပြောပြနေတဲ့ အရာတွေပါပဲ။ ဟုတ်မှဟုတ်ရဲ့လားလို့ မေးခွန်းထုတ်ချင်ထုတ်မိမှာပါ။ ဒါပေမယ့် သေချာစဉ်းစားကြည့်ရင် အဲ့ဒီလူမှုကွန်ရက်တွေဟာ သင့်ရဲ့ အကြောင်း၊ သင့်ရဲ့ အမူအကျင့်၊ သင်အားလပ်ချိန်တွေမှာလုပ်လေ့ရှိတာတွေ၊ သင့်ဘယ်လိုပြောဆိုဆက်ဆံတတ်လည်း၊ သင့်ရဲ့ နိုင်ငံရေးအယူအဆ၊ သင့်ရဲ့လူတွေနဲ့ဆက်ဆံရေးဘယ်လိုရှိလည်း အစရှိတာတွေ များစွာများစွာကို အကဲခတ်နိုင်ပါတယ်။ ဒါ့ကြောင့် အဲ့လို လူမှုကွန်ရက်တွေကို အသုံးပြုရာမှာလည်း သင့်အနေနဲ့ လက်လွတ်စပယ်အသုံးပြုတာမျိုးထက်၊ စနစ်တကျနဲ့ ပရော်ဖက်ရှင်နယ်အလုပ်ဆိုင်ရာကိုလည်း ထိခိုက်မှုမရှိစေမယ့် အရာမျိုးတွေကို စဉ်းစားပြီး အသုံးပြုသင့်ပါတယ်။ ဥပမာအားဖြင့် သင်ဟာ ခရီးသွားလာရေးအေဂျင်စီတစ်ခုမှာ အလုပ်လျှောက်တယ်ဆိုပါစို့။ သင့်ရဲ့ လူမှုကွန်ရက်စာမျက်နှာမှာလည်း သင်ဟာ ခရီးသွားလာခြင်းနဲ့ပတ်သတ်တာတွေကို အစဉ်မပြတ် ရေးသားတာမျိုးပြုလုပ်လေ့ရှိမယ်၊ ခရီးသွားအတွေ့အကြုံတွေကိုလည်း စနစ်တကျပြန်လည်မျှဝေခြင်းမျိုး ပြုလုပ်လေ့ရှိမယ်။ အဲ့လိုအရာတွေဟာ သင့်ရဲ့ လျှောက်ထားလိုက်တဲ့ အလုပ်နေရာအတွက် အထောက်အကူဖြစ်စေမယ်ဆိုတာ မငြင်းနိုင်ပါဘူး။ သင့်ကို အလုပ်ခန့်ထားမယ့်သူကသာ သင့်ရဲ့ လူမှုကွန်ရက်အတွင်းဝင်ကြည့်လိုက်လို့ အဲ့လိုအရာတွေကို တွေ့ရှိသွားရင် သင်ဟာ အလုပ်ခန့်ထားဖို့အတွက် သူ့ရဲ့စိတ်ထဲမှာ နံပါတ် ၁ စဉ်းစားရမယ့် သူဖြစ်သွားပြီဆိုတာ အသေအချာပါပဲ။

ဒါကြောင့်မို့ သင့်အနေနဲ့ အခုလို တစ်ဟုန်ထိုး တိုးတက်လာတဲ့ အင်တာနက်ခေတ်၊ တစ်နည်းအားဖြင့် လူမှုကွန်ရက်အားကောင်းနေတဲ့ ခေတ်ကြီးတစ်ခုမှာ သင့်အနေနဲ့ သင့်ရဲ့ လူမှုကွန်ရက်အသုံးပြုမှုကို စနစ်တကျနဲ့ အကျိုးရှိအောင် အသုံးချနိုင်မယ်ဆိုရင် သင့်ရဲ့ အလုပ်အကိုင်ရှာဖွေရေး၊ သင့်ရဲ့ တိုးတက်ရာ တိုးတက်ကြောင်းတွေအတွက်လည်း ကောင်းမွန်စွာ အထောက်အကူဖြစ်စေမယ်ဆိုတာ အသေအချာပါပဲ။ 

 


Still looking for your Dream job?

View all of our current vacancies NOW

TOP EMPLOYERS


Fourteen Star Network Co., Ltd.

Fourteen Star Network Co., Ltd.

“To Be The Best Service Leader for Medical Devices” .Fourteen Star Network Company (FSN) has founded in 2004 in Myanmar. FSN distributes medical devices and equipment. FSN has mostly provided ima...
Show the postings (22)
Phee Int'l Shipping Myanmar Ltd

Phee Int'l Shipping Myanmar Ltd

MISSION: To provide all our customers an integrated one-stop platform to simplify their logistics management and carter to their total cargo and lifestyle logistics needs. VISION: To be the P...
Show the postings (8)
Tharaphu Soe Myint Company Limited

Tharaphu Soe Myint Company Limited

Under the leadership of the proprietor U Soe Myint and the assistance of the expertise knowledge of the technicians, the company works for the welfare of the local farmers and peasants.The aim of the ...
Show the postings (5)
Honour Friend Co.ltd

Honour Friend Co.ltd

..Honour Friend Co.ltd....
Show the postings (2)
FORUM8 YANGON Co.,Ltd.

FORUM8 YANGON Co.,Ltd.

Sales/Office work, Engineering workFORUM8 exerts its force primarily on the development/marketing of software that support civil engineering design, analysis, architectural design, etc. and lately the...
Show the postings (1)

Spa

အမျိုးအစား

Recruitment Advice
Career Advice
JobsInYangon\'s News

The newest articles

Most popular articles



JobsInYangon.com ၏ မီဒီယာပါတနာများ- လူကြီးမင်း၏အလုပ်ကမ်းလှမ်းချက်များသညါ သူတို့၏ Website များတွင် ပါဝင်မည်ဖြစ်ပါသည်။

SWeSone IrraWaddy Business Today Irrawaddy Burmese Partner PopularNews MRTV-4 PopularNews MCN Messenger ELEVEN

ကျွန်ုပ်တို့သည် ဘယ်သူလဲ၊

Jobsinyangon.comသည် မြန်မာနိုင်ငံ၏ အလုပ်အကိုင် ရှာဖွေရေးဆိုဒ်တွင် ဦးဆောင်နေပါသည်။ Jobsinyangon.comသည် မြန်မာဈေးကွက်တွင် အလုပ်အကိုင်နှင့်ပက်သက်ပြီး အကြီးမားဆုံးနှင့် အကောင်းဆုံး အလုပ်များကိုလည်း ကမ်းလှမ်း ထားပြီး မြန်မာနိုင်ငံတွင် ထိပ်တန်းဝင်အရည်အချင်းရှိသာ ဝန်ထမ်းများကိုrecruiter များရှာဖွေနိုင်ရန်ကူညီပေးလျက် ရှိပါသည်။ Jobsinyangon.comသည်မြန်မာနိုင်ငံရှိကုမ္ပဏီများ အားလုံးမှHR Managerများ၊ Recruiter များ အလုပ်များကို အင်တာနက်တွက်တင်ရန်၊ အလုပ်လျှောက်ထားသူများကို စီမံခန့်ခွဲနိုင်ရန်နှင့် ဝန်ထမ်းခန့်ရာတွင် မှန်ကန်သောဆုံးဖြတ်ချက်များ ချနိုင်ရန်အတွက် ကူညီပေးနေသောJob Board တစ်ခုလည်းဖြစ်ပါသည်။ ထို့အပြင် မြန်မာနိုင်ငံရှိ အလုပ်ရှာဖွေသူများသည် ရန်ကုန်နှင့် အခြားသောမြို့များရှိ အလုပ်များကို www.jobsinyangon.com or www.jobless.com.mm တွင် လွယ်ကူစွာ ရှာနိုင်ပြီး လျှောက်ထားနိုင်ပါသည်။ အွန်လိုင်းရှိ အလုပ်များကို ရှာဖွေနိုင်ပြီး ၄င်းကို Roger Quest International ၏ Branch ဖြစ်သော Executive Search မှ စီစဉ်ပြုလုပ်ပါသည်။

ကျွန်ုပ်တို့နှင့် အမြဲဆက်သွယ်ပါ။

09421588394, 09421588435
info@jobsinyangon.com

Office

Roger Quest International Co., Ltd
No. (54/56), 2 Quater, 3rd Floor(Left), Mibayeikmon Condo, (53) Street
Pazudaung Township
Yangon
Find us on Facebook Find us on LinkedIn Get ads from RSS