by Admin
ချိတ်ဆွဲရန်စာတန်း: signs jobs in Myanmar jobnet in yangon work in Mandalay
အောင်မြင်မှုဆိုတာကို သင်ဘယ်လိုအဓိပ္ပာယ်ဖွင့်ဆိုပါသလဲ...။ လူတစ်ဦးတစ်ယောက်ချင်းပေါ်မူတည်ပြီး အောင်မြင်မှုရဲ့ အဓိပ္ပာယ်ကလည်း ကွဲပြားမှာသေချာပါတယ်။
တချို့အတွက် အောင်မြင်မှုဆိုတာ စည်းစိမ်ဥစ္စာ၊ တချို့အတွက်တော့ ရာထူးအာဏာ၊ တချို့အတွက်တော့ ရိုးရှင်းသောဘဝကို ပျော်ရွှင်စွာဖြတ်သန်းနေထိုင်လိုမှု၊ စသဖြင့် အမျိုးမျိုးကွဲပြားကြပါတယ်။ မိမိကိုယ်ကို တိုးတက်အောင်ပြုလုပ်ခြင်းဟာ ကောင်းသောအလေ့အကျင့်ဖြစ်သကဲ့သို့၊ သင်အခုရောက်ရှိနေတဲ့ နေရာအတွက်လည်း ကျေနပ်မှုရှိခြင်း(ကိုယ့်ကိုကိုယ်အသိအမှတ်ပြုခြင်း) ဆိုတာလည်း အရေးကြီးတဲ့ အရာ တစ်ခုဖြစ်ပါတယ်။
သင်ထင်ထားတာထက်ကို သင်ဟာ ပိုမိုကောင်းမွန်စွာပြုလုပ်နိုင်နေနိုင်တယ်ဆိုတာကို လူတော်တော်များများ ဟာ သတိမပြုမိပဲနေတတ်ပါတယ်။ အောက်ပါအချက် ၅ ချက်ဟာ သင်လက်ရှိထင်ထားတာထက်ကို သင့်ရဲ့ စွမ်းဆောင်မှုဟာ ကောင်းမွန်နေတယ်လို့ပြောပြထားတဲ့အချက်တွေပါ..။
(၁) သင်အောင်မြင်စွာ စွမ်းဆောင်နိုင်ခဲ့တဲ့အရာတွေအများကြီးပါ
ကျွန်တော်နိုင်ငံခြားဘာသာစကားတစ်ခုသင်ယူဖို့ ကြိုးစားရင်းနဲ့ ရုန်းကန်နေရချိန်မှာ သူငယ်ချင်း တစ်ယောက်ကပြောဖူးတယ်၊ မင်းက မင်းဘယ်လောက်ထိရောက်အောင်သွားမယ်ဆိုတာကိုပဲ အမြဲစူးစိုက် လွန်းတယ်တဲ့၊ ခဏလောက်ပြန်စဉ်းစားလိုက်ပါတဲ့၊ မင်းလွန်ခဲ့တဲ့ ၅ နှစ်ကအခြေအနေနဲ့ အခုအခြေအနေနဲ့မှာ မင်းဘယ်လောက်တောင် တိုးတက်အောင်လုပ်ဆောင်နိုင်လာခဲ့လည်းဆိုတာ ပြန်နှိုင်းယှဉ်ကြည့်လိုက်ပါတဲ့။
သူပြောသလိုပါပဲ။ ကျွန်တော်တို့ရဲ့လက်ရှိအခြေအနေနဲ့ လွန်ခဲ့တဲ့ ၅ နှစ်ကအခြေအနေကို ပြန်စဉ်းစား ကြည့်လိုက်ပါ။ ကျွန်တော်တို့ရရှိခဲ့ဖူးတဲ့ အတွေ့အကြုံတွေ သင်ခန်းစာတွေကနေတဆင့် မယုံနိုင်စရာ ကောင်းလောက်တဲ့ တိုးတက်မှုတချို့ရရှိအောင် စွမ်းဆောင်နိုင်ခဲ့ဖူးတာကို သတိပြုလာမိပါလိမ့်မယ်။
(၂) သင်ဟာရည်မှန်းချက်ရှိသူပါ
သင်ရဲ့အခုလက်ရှိအလုပ်ကရတဲ့ဝင်ငွေဟာ တစ်လကို သိန်းရာဂဏန်းရှိချင်မှရှိပါမယ်၊ ဒါပေမယ့် ဝင်ငွေမြောက်များစွာမရရှိတာတောင် သင်အခုလုပ်နေရတဲ့အလုပ်ကို ပျော်ရွှင်နေပါသလား။ ဒါမှမဟုတ် ငွေထက်အရေးကြီးတာတွေ ဘဝမှာအများကြီးရှိတာကို သင်သဘောပေါက်တဲ့အတွက် သင့်မိသားစု မိတ်ဆွေတွေအတွက် သင့်ရဲ့အားလပ်ချိန်တွေကို အသုံးချနေပါသလား။ ဒါဆိုရင်တော့ သင်ဟာ သင့်ရဲ့အလုပ်မှာပျော်ရွှင်စွာနဲ့ ရည်မှန်းချက်ကို အကောင်အထည်ဖော်နေတဲ့အပြင် အချိန်ကိုလည်း ကောင်းမွန်စွာ အသုံးချနေသူတစ်ဦးပါပဲ။ (မိသားစု၊ မိတ်ဆွေတွေဆိုတာ သင့်အတွက် ဘဝမှာအရေးပါတဲ့ အရာတွေမဟုတ်ပါလား)
ဘဝရဲ့ရည်မှန်းချက်ဆိုတာတကယ်တော့ အောင်မြင်ခြင်းဆိုတဲ့ပန်းတိုင်အတွက် လမ်းပြမြေပုံတစ်ဝက် ပဲရှိသေးတာပါ။ ကျန်တဲ့တစ်ဝက်က သင်ကိုယ်တိုင်အချိန်ကိုအကျိုးရှိရှိအသုံးချရင်းနဲ့ ကြိုးစားရမှာပါ။
(၃) သင်ဟာ လေ့လာသင်ယူရတာကို ကြိုက်ပါတယ်
ကျွန်တော်တို့ကို ကျွန်တော်တို့ပြန်ကြည့်ကြည့်ပါ။ ငယ်စဉ်အချိန်ကတည်းက အခုအချိန်ထိ ကျွန်တော်တို့ သင်ယူတတ်မြောက်ခဲ့တာတွေ မြောက်မြားစွာရှိတာကို သင်သတိပြုမိမှာပါ။ အဲ့လိုသင်ယူခဲ့ရာ မှာလည်း အမှားပေါင်းမြောက်မြားစွာပြုလုပ်ခဲ့မိမှာပါ။ ဒါပေမယ့် အဲ့ဒီအမှားတွေနေတဆင့်ပဲ ကျွန်တော်တို့ တတ်မြောက်ခြင်းဆိုတဲ့အရာကို ရရှိခဲ့တာပဲမဟုတ်ပါလား။ အမှားတွေကနေတဆင့် ကျွန်တော့်တို့ ကိုယ့်ကိုကိုယ် ပိုမိုနားလည်လာတယ်၊ တခြားအရာတွေကိုနားလည်လာတယ်။
တကယ်တော့ အမှားဆိုတာ ရှုံးနိမ့်ခြင်းမဟုတ်ပါဘူး။ ဆက်လက်လေ့လာဖို့အတွက် အခွင့်အလမ်း တွေပါပဲ။
(၄) သင့်ရည်မှန်းချက်ကို အဆင့်ဆင့်အကောင်အထည်ဖော်ပါ
ကျွန်တော်တို့အတွက် အောင်မြင်မှုကိုတိုင်းတာတဲ့ အရာတော်တော်များများရှိပါတယ်။ ဘွဲ့ရခြင်း၊ ရာထူးတိုးခြင်း၊ လက်ထပ်ခြင်း အစရှိသဖြင့်ပေါ့။
အဲ့ဒီအောင်မြင်မှုတစ်ခုချင်းစီတိုင်းရဲ့ နောက်ကွယ်မှာ သေးငယ်တဲ့အစိတ်အပိုင်းလေးတွေရှိတာကို သင်သတိပြုမိမှာပါ။ ဘွဲ့ရဖို့အတွက်ဆို သင်ဟာဘာသာရပ်တစ်ခုချင်းစီရဲ့ စာမေးပွဲကို အောင်မြင်အောင် ဖြေဆိုတာ၊ ရာထူးတိုးဖို့အတွက်ဆိုလည်း သင့်ရဲ့ နေ့စဉ်လုပ်ငန်းတာဝန်တိုင်းကို ကျေပွန်စွာ လုပ်ဆောင်တာ အစရှိသဖြင့်ပေါ့။
တကယ်တော့ ကြီးမားတဲ့အောင်မြင်မှုဆိုတာ သေးငယ်တဲ့အရာလေးတွေက အစပြုခဲ့တယ်ဆိုတာ မမေ့ဖို့လိုပါမယ်။
(၅) သင်ဟာ အရှုံးမပေးတတ်သူတစ်ယောက်ပါ
အောင်မြင်မှုအတွက် အရေးကြီးတဲ့အရာကတော့ စဉ်ဆက်မပြတ်ကြိုးစားခြင်းပါပဲ။
လူတော်တော်များများဟာ လမ်းဆုံးမရောက်ခင် လှည့်ပြန်တတ်ကြပါတယ်။ သတ်မှတ်ထားတဲ့ ပန်းတိုင်ကိုရောက်အောင် အချိန်တွေ ငွေတွေ ခွန်အားတွေ မြောက်မြားစွာရင်းနှီးလုပ်ဆောင်ခဲ့ပေမယ့် အလွယ်တကူမဖြစ်တဲ့အခါ လက်လျှော့လေ့ရှိပါတယ်။
ဒါပေမယ့် သင့်ကိုသင် ပြန်သုံးသပ်ပါ။ သင်ဟာလက်မလျှော့သေးတဲ့သူတစ်ယောက်ပါ။ သင့်ရဲ့ပန်းတိုင် ကို သင်အခုအကောင်အထည်ဖော်နေဆဲပါ။ အရေးကြီးဆုံးကတော့ ရှေ့ဆက်တိုးဖို့ပါပဲ။ သင့်ရဲ့ပန်းတိုင်ကို ဘာအကြောင်းပြချက်နဲ့မှ တွေဝေခြင်းမရှိပဲ အဆုံးထိရောက်အောင် စွမ်းစွမ်းတမံကြိုးစားရင်း ရှေ့ဆက်လိုက်ပါ။
အောင်မြင်မှုဆိုတဲ့အရာ သင့်ကိုဆီးကြိုနေမှာကို သင်တွေ့ရပါလိမ့်မယ်။
Today it looks difficult. It takes us 3 minutes:-)
JobsInYangon.com ၏ မီဒီယာပါတနာများ- လူကြီးမင်း၏အလုပ်ကမ်းလှမ်းချက်များသညါ သူတို့၏ Website များတွင် ပါဝင်မည်ဖြစ်ပါသည်။
Jobsinyangon.comသည် မြန်မာနိုင်ငံ၏ အလုပ်အကိုင် ရှာဖွေရေးဆိုဒ်တွင် ဦးဆောင်နေပါသည်။ Jobsinyangon.comသည် မြန်မာဈေးကွက်တွင် အလုပ်အကိုင်နှင့်ပက်သက်ပြီး အကြီးမားဆုံးနှင့် အကောင်းဆုံး အလုပ်များကိုလည်း ကမ်းလှမ်း ထားပြီး မြန်မာနိုင်ငံတွင် ထိပ်တန်းဝင်အရည်အချင်းရှိသာ ဝန်ထမ်းများကိုrecruiter များရှာဖွေနိုင်ရန်ကူညီပေးလျက် ရှိပါသည်။ Jobsinyangon.comသည်မြန်မာနိုင်ငံရှိကုမ္ပဏီများ အားလုံးမှHR Managerများ၊ Recruiter များ အလုပ်များကို အင်တာနက်တွက်တင်ရန်၊ အလုပ်လျှောက်ထားသူများကို စီမံခန့်ခွဲနိုင်ရန်နှင့် ဝန်ထမ်းခန့်ရာတွင် မှန်ကန်သောဆုံးဖြတ်ချက်များ ချနိုင်ရန်အတွက် ကူညီပေးနေသောJob Board တစ်ခုလည်းဖြစ်ပါသည်။ ထို့အပြင် မြန်မာနိုင်ငံရှိ အလုပ်ရှာဖွေသူများသည် ရန်ကုန်နှင့် အခြားသောမြို့များရှိ အလုပ်များကို www.jobsinyangon.com or www.jobless.com.mm တွင် လွယ်ကူစွာ ရှာနိုင်ပြီး လျှောက်ထားနိုင်ပါသည်။ အွန်လိုင်းရှိ အလုပ်များကို ရှာဖွေနိုင်ပြီး ၄င်းကို Roger Quest International ၏ Branch ဖြစ်သော Executive Search မှ စီစဉ်ပြုလုပ်ပါသည်။